Monday, January 21, 2019

ഗരിമ

  
കുറ്റിപ്പുറം ബി ആർ സി യുടെ കീഴിൽ മലയാളത്തിളക്കം തുടർപ്രവർത്തന പരിപാടിയായ "ഗരിമ" 7 പഞ്ചായത്തിലെ തിരഞ്ഞെടുത്ത സ്കൂളുകളിൽ നടന്നു.

















ചിലമ്പൊലി 2019

കുറ്റിപ്പുറം ബി ആർ സി I E D C  സർഗോത്സവം " ചിലമ്പൊലി 2019 " ജനുവരി  12  ശനിയാഴ്ച്ച  വളാഞ്ചേരി ഹൈസ്കൂളിൽ വെച്ച് നടന്നു.കുറ്റിപ്പുറം  AEO കൃഷ്ണദാസ് എ.ടി പരിപാടി ഉദ്ഘാടനം ചെയ്തു , ബി പി ഒ ഗോപാലകൃഷ്ണൻ ബി ആർ സി ട്രൈനർ  അജയ് കുമാർ,  IEDC  ടീച്ചർ രേഖ എന്നിവർ സംസാരിച്ചു .തുടർന്ന് കുട്ടികളുടെ കല പരിപാടികൾ നടന്നു.








ചങ്ങാതിക്കൂട്ടം

കുറ്റിപ്പുറം ബി ആർ സി യുടെ കീഴിൽ പുതുവത്സര ദിനത്തിൽ കിടപ്പിലായ IED കുട്ടികൾക്  "ചങ്ങാതിക്കൂട്ടം " എന്ന പരിപാടി നടത്തി. തിരഞ്ഞെടുത്ത സ്കൂളിലെ അധ്യാപകരും കുട്ടികളും ചേർന്ന് ഇത്തരം കുട്ടികളുടെ വീടുകൾ സന്ദർശിക്കുകളും പുതുവത്സര സമ്മാനം നൽകുകയും ചെയ്തു.



 

തണൽകൂട്ടം


*സഹവാസ ക്യാമ്പ്‌ 2018*

*സമഗ്ര ശിക്ഷ കേരളവും കുറ്റിപ്പുറം ബി ആർ സി യും സംയുക്തമായി സംഘടിപ്പിച്ച* *ദ്വിദിന സഹവാസ ക്യാമ്പ്‌* 2018 ഡിസംബർ 27,28 തിയതികളിൽ കുറ്റിപ്പുറം സൗത്ത്‌ എ എൽ പി സ്കൂളിൽ വെച്ച്‌ നടന്നു. 

27ന്‌ കാലത്ത്‌ 9 മണിക്ക്‌ സ്കൂളിൽ നിന്ന് തുടങ്ങി പരിസര പ്രദേശങ്ങളിലെല്ലാം പര്യടനം നടത്തി സ്കൂളിൽ തന്നെ സമാപിച്ച *"തണൽകൂട്ടം വിളംബര ഘോഷയാത്ര"* യോടു കൂടിയായിരുന്നു പരിപാടികൾക്ക്‌ തുടക്കമായത്‌.

തുടർന്ന് *"നവകേരള സൃഷ്ടിക്കായി ഞങ്ങളും”* എന്ന ശീർഷകം ഉൾക്കൊള്ളുന്ന ലോഗോ പ്രകാശനവും വശ്യമായ തണൽകൂട്ടം അവതരണഗാനവും അവതരിപ്പിച്ചു.

പ്രാർത്ഥനക്ക്‌ ശേഷം കുറ്റിപ്പുറം ബി പി ഒ യുടെ സ്വാഗതപ്രസംഗത്തോടെ ആരംഭിച്ച ചടങ്ങിൽ വിവിധ മേഖലകളിൽ നിന്നുള്ള പ്രമുഖ വ്യക്തിത്വങ്ങളുടെ സാന്നിദ്ധ്യത്തിൽ *ശ്രീ. ആബിദ്‌ ഹുസൈൻ തങ്ങൾ എം എൽ എ* തണൽകൂട്ടം സഹവാസ ക്യാമ്പിന്‌ തുടക്കം കുറിച്ചു. റിസോഴ്സ്‌ അധ്യാപിക എന്ന നിലയിൽ ഉന്നത നിലവാരം കാഴ്ച വെച്ചതിന്‌ *സംസ്ഥാന തലത്തിൽ* അവാർഡ്‌ കരസ്ഥമാക്കിയ *ശ്രീമതി. രേഖ ടീച്ചർക്ക്‌* ബി ആ സി നൽകുന്ന അവാർഡ്‌ പ്രസ്തുത ചടങ്ങിൽ വെച്ച്‌ ബഹുമാനപ്പെട്ട എം എൽ എ സമ്മാനിച്ചു.
തുടർന്ന് ജനപ്രതിനിധികളും മറ്റു പ്രമുഖരും പരിപാടിക്ക്‌ ആശംസകൾ നേർന്നു.

സഹവാസ ക്യാമ്പിലെ മുഖ്യ ഇനമായ *മുത്തശ്ശിയും കുട്ടികളും* എന്ന പരിപാടിയോടെ ക്യാമ്പ്‌ പ്രവർത്തനങ്ങൾക്ക്‌ തുടക്കമായി. കൂടാതെ *കളിപാഠം* , *രുചിമേളം* *വരകൾ* *വർണ്ണങ്ങൾ* തുടങ്ങിയ ആകർഷകമായ പരിപാടികൾക്ക്‌ ശേഷം അൽപം കളി ചിരികൾക്കും ഉല്ലാസത്തിനും വേണ്ടി *നിളയോരം പാർക്ക്‌* ൽ പോവുകയും അവിടെ നിന്ന് തിരിച്ചെത്തിയതിന്‌ ശേഷം *ക്രിസ്മസ്‌ ആഘോഷങ്ങളും* തുടർന്ന് *ഗംഭീര മാജിക്‌ ഷോ* യും അരങ്ങേറി. 
ശേഷം രാത്രി ഭക്ഷണത്തോടെ ഒന്നാം ദിവസത്തെ പ്രവർത്തനങ്ങൾക്ക്‌ സമാപനമായി....

രണ്ടാം ദിവസം (28/12/2018) കാലത്ത്‌ രക്ഷിതാക്കളും കുട്ടികളും അധ്യാപകരും ചേർന്ന് അന്നത്തെ പ്രവർത്തനങ്ങൾക്ക്‌ തുടക്കം കുറിച്ചു.....
യോഗ,പ്രകൃതി നടത്തം തുടർന്ന്
കലകളെ തിരിച്ചറിയാൻ രക്ഷിതാക്കളും കുട്ടികളും ചേർന്ന് *ഗ്രൂപ്പ്‌ ആക്റ്റിവിറ്റീസ്‌* നടത്തി. തുടർന്ന് കുട്ടികളിൽ ഉന്മേശം ഉണർത്താൻ *എയറോബിക്സ്‌* നടത്തി. 

പിന്നീട്‌ *തണൽകൂട്ടം ദ്വിദിന സഹവാസ ക്യാമ്പിന്റെ* സമാപന ചടങ്ങിനുള്ള സമയമായിരുന്നു. സമാപന ചടങ്ങിലും വിവിധ മേഖലകളിൽ നിന്നുള്ള പ്രമുഖ വ്യക്തിത്വങ്ങളും ജനപ്രതിനിധികളും സംബന്ധിച്ചു. പരിപാടികൾ നടന്ന *കുറ്റിപ്പുറം സൗത്ത്‌ എ എൽ പി സ്കൂൾ* മാനേജർ, ഹെഡ്‌ മാസ്റ്റർ തുടങ്ങിയവർ അവരുടെ സന്തോഷം സദസ്സുമായി പങ്ക്‌ വെച്ചു. 

ഈ പരിപാടിയുടെ വിജയത്തിനായി കർമ്മോത്സുകരായി രംഗത്തിറങ്ങിയ റിസോഴ്സ്‌ ടീച്ചർമാരായ *രേഖ ടീച്ചർ, ലീന ടീച്ചർ, ഗ്രീഷ്മ ടീച്ചർ, ജോബ്‌ൾ ടീച്ചർ, ട്വിങ്ക്‌ൾ മാഷ്‌* *നസീമ*ടീച്ചർ**സുജ* *ടീച്ചർ*,**സീമ** *ടീച്ചർ*
തുടങ്ങിയവരെ അഭിനന്ദിക്കാതിരിക്കാൻ നിർവ്വാഹമില്ല. അതുപോലെ തന്നെ *എ എൽ പി സ്കൂളിന്റെ ഭാഗത്ത്‌ നിന്ന്‌ മാനേജറുടെയും ഹെഡ്‌മാസ്റ്ററുടെയും മറ്റു അധ്യാപകരുടെയും, പി ടി എ യുടെയും* സഹകരണവും, *പഞ്ചായത്തിന്റെ* ഭാഗത്ത്‌ നിന്നുള്ള സഹായങ്ങളും എടുത്ത്‌ പറയേണ്ടത്‌ തന്നെയാണ്‌. 

അടുത്ത തവണയും ഈ സ്കൂളിൽ വെച്ച്‌ തന്നെ ഈ പരിപാടി നടത്തണം എന്ന് അഭ്യർത്ഥിച്ചതിലൂടെ  സ്കൂൾ അധികൃതർ അവരുടെ ആത്മാർത്ഥതയും ഉത്സാഹവും പ്രകടമാക്കിയതും അഭിനന്ദനാർഹം തന്നെ....

*സംസ്ഥാന അവാർഡ് നേടിയ ശ്രീമതി രേഖ ടീച്ചർക്ക്‌* *കുറ്റിപ്പുറം സൗത്ത്‌ എ എൽ പി സ്കൂൾ* ഏർപ്പെടുത്തിയ പുരസ്കാരം പ്രസ്തുത ചടങ്ങിൽ വെച്ച്‌ കൈമാറി. ടീച്ചറുടെ നന്ദി പ്രകാശനത്തിന്‌ ശേഷം ദേശീയഗാനാലാപനത്തോടെ ചടങ്ങുകൾക്ക്‌ സമാപനമായി.....

Wednesday, December 26, 2018

"കൈകോർക്കാം ഒന്നാകാം ''



*ഭിന്ന ശേഷി ദിനം ആചരിച്ചു*
വളാഞ്ചേരി: കുറ്റിപ്പുറം ബി.ആർ.സി യുടെ നേതൃത്വത്തിൽ "കൈകോർക്കാം ഒന്നാകാം '' എന്ന ആശയം മുൻനിർത്തി ലോക ഭിന്നശേഷി ദിനം ആചരിച്ചു. വലിയകുന്ന് AMLP സ്കൂൾ ഓഡിറ്റോറിയത്തിൽ വെച്ച് നടന്ന പരിപാടിയിൽ കുറ്റിപ്പുറം ബ്ലോക്കിലെ 50 ഓളം ഭിന്നശേഷി കുട്ടികളും രക്ഷിതാക്കളും പങ്കെടുത്തു.തുടർന്ന് കുട്ടികളുടെ കലാമേള നടന്നു.ബി.ആർ.സി റിസോഴ്സ് ടീച്ചേഴ്സ് നേതൃത്വം നൽകി. ഇരിമ്പിളിയം ഗ്രാമ പഞ്ചായത്ത് പ്രസിഡൻറ് ഗ്രീമതി കെ.ടി.ഉമ്മുകുൽസു ടീച്ചർ ഉദ്ഘാടനം നിർവ്വഹിച്ചു.വാർഡ് മെമ്പർ ശ്രീ. സത്താർ മാസ്റ്റർ അധ്യക്ഷത വഹിച്ചു.ബി.പി.ഒ.ഗോപാലകൃഷ്ണൻ സ്വാഗതം പറഞ്ഞു. AE0 കൃഷ്ണദാസൻ മാസ്റ്റർ ഹോംബേസ്ഡ് കുട്ടികൾക്കുള്ള പുസ്തകങ്ങൾ വിതരണം ചെയ്തു. PTA പ്രസിഡന്റ് ശ്രീ.ഹരിദാസൻ, MPTAപ്രസിഡന്റ് ശ്രീമതി ഓമന,PEC സെക്രട്ടറി ശ്രീ ഇബ്രാഹിം മാസ്റ്റർ, HM ശ്രീമതി റുഖിയ ടീച്ചർ തുടങ്ങിയവർ സംസാരിച്ചു. BRC ട്രൈനർ ജഗദീഷ് നന്ദി പറഞ്ഞു.











ഭിന്നശേഷി വാരാചരണം

ലോക ഭിന്നശേഷിദിനത്തോടനുബന്ധിച്ച് നവംബർ 27 മുതൽ ഡിസംബർ 3 വരെകുറ്റിപ്പുറം ബി ആർ സി യുടെ ആഭിമുഖ്യത്തിൽ വൈവിധ്യങ്ങളായ പരിപാടികൾ ഓരോ പഞ്ചായത്തിൽ വെച്ചും നടക്കുകയുണ്ടായി. കുട്ടികൾക്കായുള്ള ഗെയിംസ്, ചിത്രരചന ഒറിഗാമി, കലാപരിപാടികൾ, പ്ലേ തെറാപ്പി രക്ഷിതാക്കൾക്കായുള്ള ബോധവൽക്കരണ ക്ലാസുകൾ. നവ കേരള സന്ദേശവുമായി ബന്ധപ്പെട്ട് ''പുതുവെളിച്ചം" എന്നീ പരിപാടികൾ നടത്തുകയുണ്ടായി...


















Thursday, November 29, 2018

മലയാളത്തിളക്കം


ഭാഷയിലെ അടിസ്ഥാന ശേഷി വികസനവുമായി ബന്ധപ്പെട്ട് വിദ്യാഭ്യാസ വകുപ്പ് തയ്യാറാക്കിയ പദ്ധതി. പൊതു സമൂഹം ആവേശത്തോടെ ഏറ്റെടുത്ത പരിപാടി. LP ,UP  തലങ്ങളിൽ 190 , HS തലത്തിൽ 77 ബാച്ചുകളിലായി നടക്കുന്നു.....














ഗരിമ

    കുറ്റിപ്പുറം ബി ആർ സി യുടെ കീഴിൽ മലയാളത്തിളക്കം തുടർപ്രവർത്തന പരിപാടിയായ "ഗരിമ" 7 പഞ്ചായത്തിലെ...